BannerbildBannerbildBannerbildBannerbildBannerbildBannerbild
Link verschicken   Drucken
 

Bild zeigt Getränkeuntersetzer zu: Wer odder was is dann so en Imam / e Imamin? Bild; Orient-Netzwerk e.V.

Wer odder was is dann so en Imam / e Imamin?

 

„Neulisch war isch an de Unni in Frankfort, da hat aaner e Red‘ gehalte üwwer Weiwer, die wo beiener Relischion de Hut uffhawwe: vonnerer Parrerin, ner Rabbinerin unnerer Imamin.“ Als isch meiner Mudder des verzählt hab, warse erstemol ganz verdattert: „ Issen Imam net sowas wie en Parre? Un sinn des net immer Mannsleut‘?“
Naa, des stimmt so net ganz: Wer den Titel „Imam“ treescht, hält innerer Moschee die Freidachspreddischt und is beim Gebet de Owwermarschoores. Dadevon kommt aach der Name: es arabische Wort „Imam“ heeßt üwwersetzt „Vor“. Naja, un die oder der, der wo vorbete tut, der steht halt vor alle annern. Wie bei annern Relischione aach, sinn solche Pöstcher im Islam oft an Männer vergewwe worn, awwer aach im Islam gibt’s schon seit anno dubakk aach Weiwer, die vorgebeet hawwe.
Awwer wie genau gehten des eichendlich, dass mer Imam werd? Weil’s kaa „islamisch Kersch“ gibt, is aach net genau vorgeschriwwe, wie mer Imam werd. Mer werd’s uff jeden Fall, wemmer vonnerer Gemeinde dezu gewählt wird – awwer weil mer als Imam aach en ganze Sack voll Wisse hawwe muss, gibt’s einische Weesche, die wo sisch so bewährt hawwe.
Die Türkisch-Islamische Union (DITIB e.V.) awweit bei uns hier in Deutschland mit Imame, die wo die Türke zu uns geschickt hawwe. Die hawwe aach bei dene da unne gelernt. Dazu geheert ein Abschluss innerer relischiös Schuul‘ un dann muss mer noch Theoloschie studier’n annerer Unnie.
Der Verband islamischer Kulturzentren (VIKZ), der mescht des annerster: Dem sei Imame komme von hier, mache am Wocheend und inde Ferie so Kurse un am End e Praktikum innerer Moschee.
Dann gibt’s noch den Verband der islamische Bosniake (IGBD): Bei denen muss mer, wemmer Imam wer’n will, uff jeden Fall Theoloschiee studiert hawwe- awwer net erjendwo, naa. Des muss schon in Sarajewo sei, da wird net gefuddelt.
Es gibt awwer außerdem aach noch Imame, die alles des, wasse wisse üwwern Islam un so, sisch selwer aagelese hawwe oder uffem annern Weesch in ihr Amt geschluppt sinn.
Un was um alles inde Welt mussmer dann noch mache außer, dass mer beim Gebet vorne draa steht un aamol inde Woch e Preddischt hält?
Des is genau wie beieme Parre. Mer muss sisch um die Mensche kümmern, um die Aale, um die Kranke, awwer aach um die Halbstarke. Die Imame gewwe Unnericht, zum Beispiel üwwer alles, was de Koran betrifft oder die Schtorries üwwer de Prophet Mohammed (hadith). Odder sie führ’n relischiööse Rituale dorsch oder sinn da aachemol aafach debei, zum Beispiel bei Hochzeide, wenn aaner beschnippelt werd‘ oder wennse aan unner die Erd‘ bringe.

 

 

Weitere Fragen zum Islam:

De Mohammed – was war denn des eichendlich für aaner?

Derfe die Fußballer im Ramadan garnix esse?

Wie is des bei de Muslime mittem Wuzzeflaasch?

Woher komme dann all die Muslime, die wo hier in Hessen leewe?

Weihnachte. Gibt´s des aach im Islam?

Gibt´s vom Islam verschiedene Sorde?

Wie is des mit dem Koppduch?

Was wird in so ´ner Moschee eichendlich gemacht?

Wie hawwes die Moslems mittem Äppelwoi?

 

 

Aktuelles zum Corona-Virus     Link zu Prävention und Sicherheit; Bild zeigt das Logo vom Projekt Kompass Externer Link zur 115 - Ihrer Behördennummer - Wir lieben Fragen; Bild zeigt das Logo, welches aus einem Telefon und den Zahlen 115 besteht Hessen gegen Hass   Externer Link zur Charta der Vielfalt; Maintal hat sie unterzeichnet; Bild zeigt das Logo, welches aus vielen bunten Punkten und Kreisen besteht Maintal hat die Charta der Klima-Kommunen Hessen (Logo) unterzeichnet. Das Maintaler Gründerzentrum ist durch den Main-Kinzig-Kreis zertifiziert. Das Bild zeigt das Logo des Zertifikats.